小女孩最愛 | 韓國3大主題 | 首爾
- 眼睛去旅行 We
- Mar 23, 2022
- 2 min read
如果各位家有小公主👧，韓國3大主題定必可以令小公主玩得開心玩得盡興：
主題一：著韓服 - 小公主著起韓服即刻變成迷你版大長金，真係可愛到極點😍😍。
韓國有好多專門租借韓服影相嘅主題店，服裝款式超多超可愛，配上唔同嘅頭飾喺風景布下影相，大人細路都影得開心，留低小朋友最童真嘅一面必定唔會後悔。
主題二：士多啤梨園🍓 - 雖然好多地方都有士多啤梨園比小朋友摘下，而超市亦有新鮮韓國士多啤梨買，但唔係每次都可以買到又香又甜又新鮮嘅士多啤梨。
韓國嘅士多啤梨園D士多啤梨粒粒又大又新鮮，比小朋友親手摘完即場洗乾淨坐低品嚐，真係鮮甜多汁😋，最重要係無農藥無防腐劑吖嘛，食得開心又健康😃。
主題三：滑雪初體驗⛷ – 市郊有多好滑雪場，雖然場地一定唔及真正雪山場地大以及係人做雪，但正因為咁反而可以確保小朋友安全減小意外發生。
小朋友第一次去玩雪，可以喺場地租借滑雪衣物同用具，到小朋友體驗過真係好鍾意時先買私伙野都唔遲，大小小又夠經驗就可以去真正嘅滑雪勝地啦。
小朋友大得好快，襯佢地重肯跟住父母嘅時候帶佢地去玩多D，留低多D開心回憶，亦可以增進彼此感情，一定要及時😉。
コメント