被催毀的假期 | 海南島
- 眼睛去旅行 We
- Mar 19, 2022
- 1 min read
唉......小編都話每一個旅程都係一種經歷一種回憶架啦......
正當小編見天空好又開始熱，打算假日出去行下嘅時候，政府就宣佈要封海灘，突然記起之前嘅掃興之旅。
話說有一年小編打算去追逐夏天的尾巴，咁就同友人去咗海南島諗住嘆下世界放鬆下心情。
當日小編同友人帶住愉快嘅心情喺非常好嘅天氣下出發去海南島， 到達之後即刻去預訂咗嘅酒店check in，放低行李後就落去周圍行下，之後出咗市中心食晚餐，幾咁美好嘅一個旅程。
點知天有不測之風雲，就喺我地第二朝起身嘅時候發現有颱風迫近，唉......之後越來越大風，就連想去lobby飲杯野都比D風吹到坐唔穩，唯有返上房啦......因為尼個只係短trip，所以當颱風過後已經要準備收執行李返香港lu，臨上機前小編重同不斷抱怨嘅友人講：算啦，海南島出名颱風多，我地有幸可以親身感受果種風力咪當係另一種體驗囉，唔係咁多人有機會感受架。之後兩人雙雙大笑。
人生中往往好多事雖然不以預期，亦唔喺自己能力範圍控制之內，但小編可以肯定嘅係，好多野都會令我地印象深刻、唔會忘記。 各位加油呀！一有機會我地就可以...............................................飛！！
Comentários